အသက် ၂၅ နှစ်၊ နိုင်ငံတကာကုမ္ဗဏီကြီးတစ်ခုမှာ စက်မှုကျွမ်းကျင်ဝန်ထမ်း အဖြစ်ကနေ အချိန်တိုအတွင်းမှာ အင်ဂျင်နီယာဖြစ်လာသူ ဖြစ်ပါတယ်။ လခကောင်း၊ တက်လမ်းရှိ၊ ပညာတတ်၊ အပြင်ကကြည့်ရင်တော့ အောင်မြင်နေတဲ့သူပေါ့လေ...။ ဒါပေမယ့် ကျွန်မမှာ လုပ်ဖော်ကုိုင်ဖက်ကလွဲလုို့ သူငယ်ချင်းရယ်လုို့ မည်မည်ရရ မရှိတာ၊ လူတွေအများကြီး ကြားမှာနေရက်နဲ့ အထီးကျန်နေတာ၊ ဘယ်အလုပ် လုပ်လုပ် စိတ်တိုင်းမကျတာ၊ ကုိုယ့်ကုို သူများတွေ ဘယ်လုိုထင်လိမ့်မလဲ ဆုိုတာ တစ်ချိန်လုံး ပူပန်နေတာ၊ အိပ်ယာဝင်တုိုင်း ငိုနေရတာ၊ တစ်ခါတလေ အသက်ရှင်ချင်စိတ် မရှိတော့တာ.. ဒါတွေကုို ဘယ်သူသိမှာလဲ...။
။...။....။.....။
၂၀၀၅ခုနှစ် ဖေဖေါ်ဝါရီလ ၁၄ရက်။
အေးအေး၏ မှန်တင်ခုံပေါ်တွင် မိတ်ကပ်ဘရပ်ရ်ှများ ပြန့်ကျဲနေသည်။ အိပ်ယာပေါ်တွင်တော့ ၀တ်ကြည့်ပြီး စိတ်တုိုင်းမကျတိုင်း ပစ်ထားသည့် အ၀တ်များက အပုံလုိုက်၊ အဲကွန်းဖွင့်ထားရက်နှင့် ချွေးပြန်နေသော အေးအေးကတော့ စောစောက ဂရုတစ်စုိုက် လိမ်းခြယ်ထားသော မိတ်ကပ်များ ကွက်ကုန်မှာ စုိုးရိမ်ရင်း သူအကြုိုက် ဟင်းများကုိုမှ တစ်ပတ်လုံး ဆက်တုိုက်ချက်ကျွေးသော အမေ့ကုို စိတ်ဆိုးရကောင်းနုိုး၊ ကြိုက်တုိုင်း မဆာလဲစား၊ ဆာလဲစားမိသော မိမိကုိုယ်ကုိုပဲ ကုိုင်ပေါက်ရကောင်းနုိုးနှင့် ဒေါသထွက်နေမိသည်။ အခုပဲကြည့်လေ ဘာဝတ်ဝတ် အဆင်မပြေတော့၊ ကျပ်တဲ့နေရာကျပ်၊ အတစ်အရစ် ထွက်တဲ့နေရာထွက် ဖြစ်ကုန်ပြီမဟုတ်လား။ အခုတလော ချစ်သူကလည်း သူ့အပေါ် အေးတိအေးစက် ဆက်ဆံလွန်းလှသည်။ ဒီနေ့တော့ ချစ်သူများနေ့မို့ ဟုိုအရင် ချစ်ကြည်နူးကာစကလို ဂရုစိုက်မှုလေးများ ပြန်ရနုိုး အလှဆုံး ပြင်သွားမည်ဆုိုပါမှ ဘာဝတ်ရမှန်း မသိတော့၊ ခက်ရချည့်။ ကဲ မြန်မြန်လုပ်မှ တော်ကြာ အမေ၀င်လာလုို့ ဒီလောက်ဂရုစိုက် ပြင်ဆင်ဝတ်စားနေတာ မြင်သွားရင် ရည်းစားခိုးထားတာ ရိပ်မိတော့မယ်။
”ကုို ဒီနေ့ သိပ်ချောတာပဲ။”
“အင်း”
“ကုို.. အေးလက်မှတ်ဝယ်ပြီးပြီ၊ ဗိုက်ဆာပြီလား။ ရုပ်ရှင်က ဆယ့်ငါးမိနစ်လောက် လုိုပါသေးတယ်။ အဆာပြေတစ်ခုခု စားထားလုို့ ရသေးတာပဲ။ ကုိုကလည်း ခြောက်နာရီပါဆုို အခုမှရောက်လာတာကိုး။ နုို့မို့ရင် အေးအေးဆေးဆေး စားသောက်၊ လမ်းလျောက်ပြီမှ ရုပ်ရှင်ကြည့်ဖို့ဟာ...။ ကုို... ပြောနေတာ ကြားရဲ့လားလုို့”
“အင်း... ကြားပါတယ်”
အေးအေး ဘာမှဆက်မပြောနိုင်တော့။ ချစ်သူရဲ့ မျက်လုံးများက လက်ကိုင်ဖုန်းမှ မခွာတမ်း။ တစ်နာရီကျော်ကြာအောင် စောင့်ထားရသဖြင့် ညောင်းကုိုက်နေသော ခြေချောင်းများအား အနားပေးရန် ရုပ်ရှင်ရုံဖက်သို့သာ ထွက်လာခဲ့တော့သည်။
...။...။...။
“အေး... ၀ိတ်လေးပါလေး ချပါဦးကွာ.. လေ့ကျင့်ခန်း မလုပ်ချင်ရင်လည်း အစားရှောင်ပေါ့”
“အေး... အဲဒါတွေ မစားနဲ့လေ။ ၀က်ခြံပေါက်လိမ့်မယ်။ နဂိုကမှ အသားအရည်က အဆင်မပြေရတဲ့အထဲ။”
”အေး... ဘာတွေဝတ်ထားတာလဲကွာ... ဒါမျိုးက ပိန်တဲ့သူနဲ့မှ လုိုက်တာကုို...”
”အေးက ဗိုက်ပူတယ်နော်... ဒီမှာ ကုိုယ့်ဗိုက်ကုိုကြည့်.. ချပ်ရပ်နေတာပဲ တွေ့လား..”
...။....။...။
“ကုို ဘာလို့ အေးမက်ဆေ့ခ်ျတွေကုို မပြန်တာလဲ“
”မက်ဆေ့ခ်ျပုို့တုိုင်း ပြန်နေရမှာလားကွ”
”ကုို အရင်ကဆုိုရင် အေးနဲ့ နေ့တုိုင်း မက်ဆေ့ခ်ျပုို့တယ်... ခုတော့ တစ်ပတ်လုံးနေလို့ တစ်ခါမပုို့ဘူး။ အေးကသာ စမပြောရင် ကုိုနဲ့အေး တစ်ပတ်လုံး စကားတောင်ပြောဖြစ်မှာ မဟုတ်ဘူး...”
“ဘာတွေပြောရမှာလဲ.. ဘာပြောစရာတွေရှိလုို့လဲ... အရည်မရ အဖတ်မရ...”
...။....။...။
“ဟဲ့ အေးအေး... နင်ငိုနေတာလား။ ဘာဖြစ်လုို့လဲ..”
“သူ့မှာ တခြားရည်းစားတစ်ယောက်ရှိနေပြီ ခင်မျိုးရဲ့...”
“ဘယ်သူလဲ နင့်ရည်းစားလား...”
“အင်းပေါ့ ဘယ်သူရှိရမလဲ... ငါု့ကုိုသူ အေးတိအေးစက် ဖြစ်နေတာ ကြာတော့ကြာပါပြီ... အခုမှ သိရတယ်”
“ဟင် နင်ကအခုမှသိသလား... တစ်ကျောင်းလုံးသိနေတာ ကြာပေါ့။ မနှစ်က ခရစ်စမတ်ကတည်းက စဖြစ်ကြတာတဲ့...”
“ဟုတ်လား ခင်မျိုး... နင်ငါ့ကုို ဘာလုို့ စောစောက မပြောတာလဲ”
“နင်နဲ့က အဲဒီလောက်မှ မခင်တာကုို... ကုိုယ်ရေးကုိုယ်တာကိစ္စဆုိုတော့... သိပ်စိတ်ထဲ မထားပါနဲ့ဟာ.. သူကဖောက်ပြန်တာပဲ”
...။....။....။
၂၀၀၅ခုနှစ် ဇူလိုင်လ ၂၁ရက်။
အေးရဲ့ မက်ဆေ့ခ်ျတွေ သူမပြန်တော့တာ နှစ်ပတ်ပြည့်သွားပြီ။ ဖုန်းဆက်တာလည်း မကုိုင်တော့ဘူး။ သူ့ ဖေ့စ်ဘွတ်မှာတောင် ချစ်သူအသစ်နဲ့ တွဲရိုက်ထားတဲ့ပုံတွေ အများကြီးတင်ထားလုိုက်ပြီပဲ။ အေးနဲ့ တွဲနေတဲ့ တစ်နှစ်ခွဲကာလအတွင်း နှစ်ယောက်တွဲရိုက်ထားတဲ့ပုံဆုိုလို့ ရှားရှားပါးပါး အေးကုိုယ်တုိုင်အတင်းရုိုက်ယူထားတဲ့ တစ်ပုံနှစ်ပုံပဲရှိသည်။ အေးက ဓာတ်ပုံမစားဘူးဟု ပြောသဖြင့် ဖေ့စ်ဘွတ်မှာလည်း မတင်ခဲ့ရ။
to be continued...
No comments:
Post a Comment